Ekki persónuleg lánafyrirgreiðsla ?

Í botni greinar þinnar segir þú ekki hafa fengið persónulega lánafyrirgreiðslu ! Varst þú ekki einn þeirra  stjórnenda sem naust þess að Exeter keypti stofnfjárbréf af helstu stjórnendum Byrs á uppsprengdu verði eftir bankahrun. Sennilega betra að fá fyrirtæki sbr Exeter til að taka lán til að kaupa eigin stofnfjárbréf í stað þess að blanda eigin kennitölu í slíkan sukkgjörning.

Það er að öðru leit slæmt að hugsa til óvandaðrar blaðamennsku en svo virðist sem fjölmiðlar leggi sig á engan hátt fram við að gera sukkinu rétt skil. Verst að þú átt bara enga samúð, hvorki hjá stofnfjáreigendum eða almenningi slíkur er skaðinn af þínum störfum og skiptir þar nánast litlu hvort að fyrirtæki í þinni umsjá sem þú lánaðir f.h Byrs skuldi 0.5 eða 10 MIA. Samt er eðilegt að rétt sé farið með - og best að þú gerir það þá líka.


mbl.is Segir fréttir RÚV rangar
Tilkynna um óviðeigandi tengingu við frétt

Stórasta land í heimi

Þetta eru skemmtilegar og bara nokkuð góðar fréttir í þeirri ótíð sem almenningur býr við en afskaplega erum við samt barnaleg í einfeldni okkar. Þjóðarstolt er af hinu góða og ég á líka smá skammt af þjóðarstolti, en að farsímakaup mín og annarra samlanda skuli m.a liggja til grundvallar því að Ísland er fremst meðal þjóða á einhverju sviði finnst mér hjákátlegt. INSEAD er virtur og sennilega sæmilegur skóli sem hefur m.a. útskrifað nokkra á meðal helstu fjármálasnillinga Íslendinga á síðari tímum. En ætli grundvöllur mats INSEAD  og SI þeirra á Indlandi sé óbrigðult hvað sætaskipan þjóða varðar um nýsköpun. Mér er það því miður til efs þrátt fyrir þörf á hégómagrind á erfiðum tímum.

Ég minnist þess að ekki eru mörg ár síðan þ.e. ca 2006 - 2007 að við Íslendingar töldumst vera hamingjusamasta þjóð í heimi, ríkasta þjóð í heimi, ein heilbrigðasta þjóð í heimi, eiga mestu fjármálasnillinga í heimi,  o.fl. Nú getum við sennilega líka stært okkur af því að vera skuldugasta þjóð í heimi, ein siðspilltasta þjóð í heimi, ofl.

Engu að síður gaman að vera heimsmetshafi. Vona að þessi titill gefi fyrirheit um aukna vinnu og velferð almenningi á Íslandi til heilla.


mbl.is Ísland fremst í nýsköpun
Tilkynna um óviðeigandi tengingu við frétt

Ekki láta ykkur dreyma ....

Ef þjóðaratkvæðagreiðslu verður frestað þá er ég hræddur um að orðatiltækið "You aint seen nothing yet" fái nýja og janvel enn skelfilegri meiningu en hingað til: Devil
mbl.is Áfram fundað í Lundúnum
Tilkynna um óviðeigandi tengingu við frétt

Ekki skrítið að þjóðfélagsumræðan gerist óvægin.

Það er með ólíkindum það sem eftir Gylfa er haft ef satt reynist sbr:."

Gylfi sagði það mjög mikilvægt að vinnan sé hafin af fullum krafti"

Halló - það er eitt og hálft ár síðan að tilefni var að hefja vinnuna á fullum krafti.  Ríkisstjórn talar um siðferði og nauðsyn þess að bankarnir mismuni ekki og stundi gagnsæ viðskipti - hvar er regluverkið hér um ??

Sennilega verður það lagt fram þegar búið er að mismuna "eigendum fyrirtækja" nægjanlega mikið og það í "þjóðfélagsþágu".


mbl.is Margt gott gert innan bankanna
Tilkynna um óviðeigandi tengingu við frétt

Forsenda samnings

Ef kjör eru betri eða  sambærileg  en þau kjör sem  núverandi samþykkt lög ná yfir þá er ekkert annað að gera en að ganga frá samning. Annars verðum við aldrei trúverðug sem þjóð úr því sem komið er.
mbl.is Svar komið vegna Icesave
Tilkynna um óviðeigandi tengingu við frétt

Hvar er regluverkið ? Er það undir stól - eða var það aldrei samið.

Nú er u.þ.b eitt og hálft ár liðið frá hruni banka og ár frá því að þessi ríkisstjórn tók við sem hefur vart unnt sér hvíldar - en hvar er regluverkið sem ríkisbönkunum er ætlað að vinna eftir ? Það virðist ekki vera til þrátt fyrir að vera mikilvægast af öllu til þess að uppbygging getur hafist í þessu landi. Ekki er hægt að greina að annars ágætur ráðherra eða starfsbræður hans og systur kannist við að hafa samið regluverk til handa bönkunum. Ég hélt að þetta regluverk væri til.

 


mbl.is Vinnan aldrei unnin þannig að öllum líki
Tilkynna um óviðeigandi tengingu við frétt

Man eftir að hafa notað sykur og saltpétur enn ekki papriku

þegar að ég var polli fyrir ca  40 árum þá kveiktum við strákarnir í hlíðunum stundum í saltpétri og sykri. Ég er smá forvitin ef einhver getur upplýst hvaða tilgang það hefur að bæta við paprikudufti. Langar til rifja þetta upp en þori varla - gæti verið dæmdur á stofnun fyrir geðsjúkt vandræðafólk. Annars finnst mér eins og að ekki megi drengir í dag vart kveikja á eldspýtu öðru vísi en slíkt rati inn á forsíður blaða og helst til barnaverndarnefnda.

Ég hef áhuga á að vita tilganginn með paprikuna í þessu dæmi ? 


mbl.is Ætluðu að kveikja í sykri, saltpétri og papriku
Tilkynna um óviðeigandi tengingu við frétt

Hálsbindi, silkiklútar og úr.

Þetta minnir mig á þann glæp sem ég framdi fyrir nokkrum árum suður á Mallorca þegar að ég leyfði syni mínum að kaupa 1 stk teygjubyssu fyrir 0,95 evru merkta Mallorka sem minjagripur. Taska drengsins sem þá var 13 ára var skönnuð í Keflavík og upp komst um glæpinn sem endaði með að faðirinn greiddi u.þ.b kr 5.000 í sáttargjörð vegna ólöglegs vopnaburðar til landsins. Ég var einu sinni ungur og gat búið til mun öflugri teygjubyssur úr handfangi af málningardós og nokkrum teygjum.

Þvílíkur hálfvitaskapur að vera að eltast við svona nokkuð en slíkt virðist vera helsta viðfangsefni tollsins í Keflavík sem og hirða spægipulsubréf samskonar eða eins og þau sem fást í Hagkaup.

Hugsa sér að 5 silkihálsbindi, 21 klútur og Rolex úr (so what) skuli vera málatilbúnaður. Hvar annars staðar í heiminum viðgengst önnur eins vitleysa. Hvað skyldi tollurinn hafa oft litið á hendur útrásarvíkinga til að athuga gæði úranna og hafa í framhaldi uppi spurningar um hvar þau voru keypt og hvað þau kostuðu ?

Væri ekki nær að einbeita sér að fíkniefnum og öðrum alvöru glæpum?


mbl.is Sektaður vegna Rolexúrs
Tilkynna um óviðeigandi tengingu við frétt

Ekki ríkisábyrgð í Dubai

Svo einfalt er það nú - engin ríkisábyrgð á uppbyggingunni í Dubai og því fylleríi sem þar hefur staðið yfir þrátt fyrir að ríkið eigi sjálft stærstan þátt í sukkinu.  Ætli það standi nokkuð til að  setja hryðjuverkalög á þessa þjóð. Arabarnir voru þrátt fyrir mikla eyðslu skynsamari en við Íslendingar þ.e. þeir notuðu fjármuni þá sem þeir fengu lánaða til að byggja upp heima hjá sér.


mbl.is Fyrirtæki og bankar í Dubai í ruslflokk
Tilkynna um óviðeigandi tengingu við frétt

Leikflétta

Hvernig má það vera að MP-banki með Ágúst innanborðs sem lögfræðing og einn lykilstjórnanda gerir veðkall til bréfa (væntanlega álitið að bréfin standi ekki undir lánum) en kaupir bréfin svo sjálfur á margföldu yfirverði með láni frá BYR sem sýnt var að ekki þurfi að greiða ef illa fer. Þetta kallast væntanlega á máli skáklistarinnar "leikflétta" eða á buisniss máli stuttbuxnastráka - win - win. Bara aularnir tapa - almennir stofnfjáreigendur í BYR. Það var ekki almennt álitið í okt 2008 og des 2008 að BYR stæði í lykilstöðu.
mbl.is Yfirlýsing frá Ágústi Sindra Karlssyni
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband