Kostar lítið að láta sig dreyma.

Sennilega keyrði þá fyrst um þverbak ef að fleiri en þeir sem hafa meðal tekjur eiga að fara að borga skatta. Eru menn að átta sig á því að vasarnir hjá meðal-Jóni er farnir að tæmast líka. Venjulegir afar og ömmur þessa lands hafa upp á fátt meira að bjóða.

Einfaldara skattkerfi kannað

Afskrifa bara

Svona nú hvaða tregða er þetta. Miklu heppilegra að gefa eftir nokkra milljarða til þeirra sem hafa sýnt fram á að þeir geti vel rekið þetta fremur en að standa í sölugjöf til annarra með tilheyrandi bulli og þvættingi.

B&L og Ingvar Helgason ekki verið seld

Lífeyrir - rentur og tilhlökkun

Já það verður nú flott þegar að lífeyrissjóðirnir sem settu fé í Icelandair þ.m.t minn sjóður  fara að fá alvöru rentur af því fé sem þeir lögðu í félagið. Sé sjálfan mig og mína frú fyrir í góðum málum í framtíðinni í suðrænni sól í faðmi ellinnar. Áhyggjulaust ævikvöld bíður okkar vinnandi fólks. Best að setja enn meira fé í félagið. Af ávöxtunum skulið þið þekkja þá.

5,4 milljarða hagnaður

Íslenskir hestar eru einstakir

Leitt með manninn og ég vona að hann nái sér. En hestur sem getur SLEGIÐ mann í höfðið er örugglega mjög fágætur gripur. Hef heyrt um að þeir geti sparkað en aldrei um að þeir geti líka slegið.

Hestur sló mann í höfuðið

Óheppilegt að þeir vissu bara ekkert um hvaða gengi á stofnbréfum yrði stuðst við

Greinilegt á vitnisburði að örvænting réði hvað kjör voru á stofnfjárbréfum þeirra félaga. Engin örvænting virðist hafa ráðið ríkjum gagnvart öðrum stofnfjáreigendum enda lokað fyrir verslun með bréf annarra en þeirra eigin.

Enginn hugsaði um hagsmuni Byrs

Sennilega skynsamleg ákvörðun hjá þingmönnum Sjálfstæðisflokksins

Tek ofan fyrir þingmönnum Sjálfstæðisflokksins að taka þessa afstöðu sem sennilega er skynsamleg.

SUS gagnrýnir þingmenn Sjálfstæðisflokks

Ljóta kjaftæðið þetta

Forsvarsmenn hafa gefið ágætis skýringu á hvers vegna eldra fólk og mæður gengu fyrir. Því á að sleppa öllu æsifréttakjaftæði hér um og leiðrétta þessa endemis vitleysu sem verið er að bera á borð fyrir lesendur. Geri ég ráð fyrir að af nægu er úr að moða ef ætlun blaðamanna er að gera mismunun í þjóðfélaginu einhver skil svo ekki sé ráðist á það örfáa þar sem unnið er af miklum heilindum.

Mismunun litin alvarlegum augum

Föstudagurinn langi - er það ekki dagurinn til birtingar.

Þessi blessaða skýrsla þó óbirt sé er orðin að meiri ráðgátu en hrunið sjálft.

Skýrslan tefst enn

Ekki persónuleg lánafyrirgreiðsla ?

Í botni greinar þinnar segir þú ekki hafa fengið persónulega lánafyrirgreiðslu ! Varst þú ekki einn þeirra  stjórnenda sem naust þess að Exeter keypti stofnfjárbréf af helstu stjórnendum Byrs á uppsprengdu verði eftir bankahrun. Sennilega betra að fá fyrirtæki sbr Exeter til að taka lán til að kaupa eigin stofnfjárbréf í stað þess að blanda eigin kennitölu í slíkan sukkgjörning.

Það er að öðru leit slæmt að hugsa til óvandaðrar blaðamennsku en svo virðist sem fjölmiðlar leggi sig á engan hátt fram við að gera sukkinu rétt skil. Verst að þú átt bara enga samúð, hvorki hjá stofnfjáreigendum eða almenningi slíkur er skaðinn af þínum störfum og skiptir þar nánast litlu hvort að fyrirtæki í þinni umsjá sem þú lánaðir f.h Byrs skuldi 0.5 eða 10 MIA. Samt er eðilegt að rétt sé farið með - og best að þú gerir það þá líka.

Segir fréttir RÚV rangar

Stórasta land í heimi

Þetta eru skemmtilegar og bara nokkuð góðar fréttir í þeirri ótíð sem almenningur býr við en afskaplega erum við samt barnaleg í einfeldni okkar. Þjóðarstolt er af hinu góða og ég á líka smá skammt af þjóðarstolti, en að farsímakaup mín og annarra samlanda skuli m.a liggja til grundvallar því að Ísland er fremst meðal þjóða á einhverju sviði finnst mér hjákátlegt. INSEAD er virtur og sennilega sæmilegur skóli sem hefur m.a. útskrifað nokkra á meðal helstu fjármálasnillinga Íslendinga á síðari tímum. En ætli grundvöllur mats INSEAD  og SI þeirra á Indlandi sé óbrigðult hvað sætaskipan þjóða varðar um nýsköpun. Mér er það því miður til efs þrátt fyrir þörf á hégómagrind á erfiðum tímum.

Ég minnist þess að ekki eru mörg ár síðan þ.e. ca 2006 - 2007 að við Íslendingar töldumst vera hamingjusamasta þjóð í heimi, ríkasta þjóð í heimi, ein heilbrigðasta þjóð í heimi, eiga mestu fjármálasnillinga í heimi,  o.fl. Nú getum við sennilega líka stært okkur af því að vera skuldugasta þjóð í heimi, ein siðspilltasta þjóð í heimi, ofl.

Engu að síður gaman að vera heimsmetshafi. Vona að þessi titill gefi fyrirheit um aukna vinnu og velferð almenningi á Íslandi til heilla.

Ísland fremst í nýsköpun